0

హైదరాబాద్ వాతావరణ కేంద్రం తెలంగాణకు ఎల్లో అలర్ట్ ప్రకటించింది. ఈ నెల 23 వరకు ఐదు రోజుల పాటు రాష్ట్రంలో తేలికపాటి నుంచి భారీ వర్షాలు కురుస్తాయని ప్రకటించారు.

జూన్ 16 ఉదయం నుంచి 17వ తేదీ ఉదయం వరకు కామారెడ్డి, ఆదిలాబాద్, నిజామాబాద్ జిల్లాల్లో భారీ వర్షాలు కురుస్తాయని హైదరాబాద్ వాతావరణ కేంద్రం తెలిపింది.

మెదక్, నిజామాబాద్, ఆసిఫాబాద్, కామారెడ్డి, మంచిర్యాల, సంగారెడ్డి, రాజన్న సిరిసిల్ల, మల్కాజిగిరి, ములుగు, రంగారెడ్డి, కొత్తగూడెం, ఖమ్మం, మహబూబాబాద్, హైదరాబాద్, సూర్యాపేట, నల్గొండ, మేడ్చల్ జిల్లాల్లో ఉరుములు, మెరుపులతో కూడిన వర్షాలు కురుస్తాయని పేర్కొంది. అదే సమయంలో గంటకు 30 నుంచి 40 కిలోమీటర్ల వేగంతో ఈదురు గాలులు వీస్తాయని ప్రకటించింది.