విజయ డెయిరీ నెయ్యి కాంట్రాక్టర్లు ప్రభుత్వానికి అపకీర్తి తెచ్చేలా వ్యవహరించకూడదని మంత్రి సూచించారు. భద్రాచలం శ్రీసీతారామచంద్రస్వామి దేవస్థానానికి నెయ్యి సరఫరా టెండర్‌ను ఏపీకి చెందిన ప్రైవేట్ సంస్థ రైతు డెయిరీకి అప్పగించడంపై మంత్రి కొండా సురేఖ ఆగ్రహం వ్యక్తం చేశారు. ప్రభుత్వ ఆదేశాలు బేఖాతరు చేస్తూ నిబంధనలు ఎలా ఉల్లంఘిస్తారంటూ అధికారులను మంత్రి ప్రశ్నించారు. తిరుపతి పుణ్యక్షేత్రంలో లడ్డూ తయారీలో కల్తీ నెయ్యి వివాదంతో తెలంగాణ ప్రభుత్వం అప్రమత్తమైంది.
రాష్ట్రంలోని ప్రసిద్ధ పుణ్యక్షేత్రాలకు ప్రభుత్వ రంగ సంస్థ విజయ డెయిరీ నుంచే నెయ్యి సరఫరా చేయాలని ప్రభుత్వం ఆదేశించింది. తంలో దేవాదాయశాఖ ముఖ్య కార్యదర్శి శైలజా రామయ్య అధికారిక ఉత్తర్వులు విడుదల చేశారు. ప్రభుత్వ ఉత్తర్వులను బేఖాతరు చేస్తూ ఏపీకి చెందిన రైతు డెయిరీ సంస్థకు నెయ్యి సరఫరా వర్క్ ఆర్డర్ భద్రాచలం దేవస్థానం ఈవో రమాదేవి అప్పగించడంపై కొండాసురేఖ మండిపడ్డారు.
