హైదరాబాద్ నగరంలో భారీ వర్షం కురుస్తోంది. నగరంతో పాటు తెలంగాణలోని పలు జిల్లాల్లో వర్షం కురుస్తోంది. సికింద్రాబాద్, తిరుమలగిరి, బొల్లారం, ప్యారడైజ్, బేగంపేట, కూకట్‌పల్లి, కేపీహెచ్‌బీ కాలనీ, మేడ్చల్, కండ్లకోయ, దుండిగల్, గండి మైసమ్మ, మియాపూర్, మాదాపూర్, గచ్చిబౌలి, అమీర్‌పేట, జూబ్లీహిల్స్, జగద్గిరిగుట్ట, జీడిమెట్ల, బాలానగర్, కోఠి, ఆబిడ్స్, హిమయత్ నగర్, చిక్కడపల్లి తదితర ప్రాంతాల్లో వర్షం కురుస్తోంది.
భారీ వర్షంతో హైదరాబాద్ నగరంలోని చాలా రోడ్లు నీటితో నిండిపోయాయి. కొన్నిచోట్ల డ్రైనేజీ పొంగి రోడ్డు మీదకు వచ్చింది. దీంతో వాహనదారులు ఇబ్బందులు పడ్డారు. చాలాచోట్ల ట్రాఫిక్ జామ్ అయింది. గచ్చిబౌలి, అమీర్‌పేట, ఖైరతాబాద్, లక్డీకాపూల్, బయోడైవర్సిటీ క్రాస్ వద్ద వాహనాలు బారులుతీరాయి.
ఈరోజు రాత్రి… మరికొన్ని గంటల్లో నగరంలో కుండపోత వర్షం కురిసే అవకాశం ఉందని హైదరాబాద్ వాతావరణ శాఖ హెచ్చరించింది. ఈ మేరకు నగరవాసులకు రెడ్ అలర్ట్ ప్రకటించింది. ప్రజలు అప్రమత్తంగా ఉండాలని సూచించింది. ఎన్డీఆర్ఎఫ్ బృందాలను రంగంలోకి దిగాయి. అత్యవసర పరిస్థితుల్లో 040-211111111కు ఫోన్ చేయాలని అధికారులు సూచించారు.
