0

తెలంగాణ అసెంబ్లీలో కాంగ్రెస్, బీఆర్ఎస్ ఎమ్మెల్యేల మధ్య వివాదం రచ్చ రచ్చగా మారింది. స్పీకర్ పోడియం వైపు కోరుట్ల ఎమ్మెల్యే పేపర్లు విసిరేశారు. బోధ్ ఎమ్మెల్యే అనిల్ జాదవ్ సైతం పేపర్ బంచ్ ను విసిరేయడంతో వివాదం పెద్దదైంది. ఎమ్మెల్యే హరీశ్ రావు స్పీకర్ మెట్లు ఎక్కే ప్రయత్నం చేశారు. ఈ క్రమంలో రెచ్చిపోయిన హుజూరాబాద్ ఎమ్మెల్యే పాడి కౌశిక్ రెడ్డి కాంగ్రెస్ ఎమ్మెల్యేల వైపు దూసుకొచ్చారు. దీంతో బీఆర్ఎస్ ఎమ్మెల్యేల తీరుపై కాంగ్రెస్ ఎమ్మెల్యేలు తీవ్ర ఆగ్రహం వ్యక్తం చేశారు. షాద్ నగర్ కాంగ్రెస్ ఎమ్మెల్యే వీర్లపల్లి శంకర్ హెడ్ ఫోన్ ను విసిరేసే ప్రయత్నం చేశారు. గందరగోళ పరిస్థితుల నేపథ్యంలో స్పీకర్ సభను వాయిదా వేశారు.