Mana Telangana TV

ఐకాన్ స్టార్ అల్లు అర్జున్‏ను చిక్కడపల్లి పోలీసులు అదుపులోకి తీసుకున్నారు. జూబ్లీహిల్స్ లోని ఆయన నివాసం నుంచి ముందుగా ఉస్మానియా ఆసుపత్రికి తరలించారు. అనంతరం బన్నీని చిక్కడపల్లి పోలీస్ స్టేషన్ ను తీసుకెళ్లారు. బన్నీ వెంటే అల్లు అరవింద్, అల్లు శిరీష్ సైతం పోలీస్ స్టేషన్ కు వెళ్లారు.

కోర్టు వెళ్లిన అల్లు అరవింద్, త్రివిక్రమ్

అల్లు అర్జున్ ను నాంపల్లి కోర్టులో పోలీసులు హాజరుపరిచారు. ఈ క్రమంలో కోర్టు దగ్గర పోలీసులు భారీ బందోబస్తును ఏర్పాటు చేశారు. కాగా ఇప్పటికే కోర్టుకు అల్లు అరవింద్, త్రివిక్రమ్  చేరుకున్నారని తెలుస్తుంది.

అల్లు అర్జున్ అరెస్టును బీఆర్ఎస్ నేత కేటీఆర్ ఖండించారు. జాతీయ అవార్డ్ విన్నింగ్ స్టార్‌ను అరెస్ట్ చేయడం పాలకుల అభద్రతకు పరాకాష్ట అంటూ ఆగ్రహం వ్యక్తం చేశారు. తొక్కిసలాట బాధితుల పట్ల నాకు పూర్తిగా సానుభూతి ఉంది. కానీ నిజంగా అక్కడ ఎవరు విఫలమయ్యారు? ప్రభుత్వ ప్రవర్తనను నేను తీవ్రంగా ఖండిస్తున్నాను. అదే దిక్కుమాలిన లాజిక్‌తో వెళితే.. హైదరాబాద్‌లో హైడ్రామా చేసిన భయంతో మరణించిన ఇద్దరు అమాయకుల మరణానికి కారణమైన రేవంత్ రెడ్డిని అరెస్ట్ చేయాలని డిమాండ్ చేశారు. 

ప్రముఖ తెలుగు నటుడు అల్లు అర్జున్ ను హైదరాబాద్ పోలీసులు శుక్రవారం అరెస్టు చేశారు. తన తాజా చిత్రం ‘పుష్ప-2: ది రూల్’ ప్రీమియర్ షో సందర్భంగా డిసెంబర్ 4న ఆర్టీసీ క్రాస్‌రోడ్‌లోని సంధ్య థియేటర్ దగ్గర తొక్కిసలాట జరిగింది. దీంతో రేవతి అనే 35 ఏళ్ల మహిళ చనిపోయింది. ఆమె తొమ్మిదేళ్ల కుమారుడు శ్రీ తేజ ఊపిరాడక ఆసుపత్రిలో చేరగా ప్రస్తుతం చికిత్స పొందుతున్నాడు. ఈ ఘటనకు సంబంధించి అల్లు అర్జున్‌తో పాటు థియేటర్ యాజమాన్యంపై పోలీసులు కేసు నమోదు చేశారు. మృతురాలి కుటుంబ సభ్యుల ఫిర్యాదు మేరకు కేసు నమోదు చేసుకున్నట్లు పోలీసులు తెలిపారు. చిక్కడపల్లి పోలీస్ స్టేషన్‌లో భారతీయ న్యాయ సంహిత (బిఎన్‌ఎస్) సెక్షన్ 105, 118(1) కింద అల్లు అర్జున్, అతని భద్రతా సిబ్బంది, థియేటర్ యాజమాన్యంపై కేసు నమోదు చేశారు. 

డిసెంబర్ 4న హైదరాబాద్‌లోని సంధ్య థియేటర్‌లో ‘పుష్ప 2: ది రూల్’ ప్రదర్శనకు అర్జున్ హాజరయ్యారు. సహనటి రష్మిక మందన్నతోపాటు బన్నీ భార్య అల్లు స్నేహా రెడ్డి రావడంతో అభిమానులు భారీగా తరలివచ్చారు. దీంతో తొక్కిసలాట జరగగా రేవతి అనే మహిళా మృతి చెందింది. దీంతో సంధ్య థియేటర్‌ యజమానుల్లో ఒకరైన ఎం సందీప్‌, సీనియర్‌ మేనేజర్‌ ఎం నాగరాజు, దిగువ బాల్కనీ ఇన్‌ఛార్జ్‌ గంధకం విజయ్‌ చందర్‌లను పోలీసులు అరెస్టు చేశారు.

నటుడు అల్లు అర్జున్‌ను చిక్కడపల్లి పోలీసులు అరెస్ట్ చేశారు. సంధ్య థియేటర్‌ వద్ద జరిగిన తొక్కిసలాట ఘటనలో అల్లు అర్జున్‌ను అరెస్ట్ చేసిన పోలీసులు.. ఆయనపై 105, 118(1) రెడ్ విత్‌ 3/5 BNS సెక్షన్ల కింద కేసు నమోదు చేశారు. బాధిత కుటుంబం ఇచ్చిన ఫిర్యాదు మేరకు అల్లు అర్జున్‌పై కేసు నమోదు చేసినట్లు పోలీసులు తెలిపారు. అయితే, ఆయనపై నమోదు చేసిన కేసులన్నీ చాలా స్ట్రాంగ్‌గా కనిపిస్తున్నాయి. 105 సెక్షన్ నాన్ బెయిలబుల్ కేసు. ఈ కేసు కింద సదరు వ్యక్తికి ఐదు నుంచి పదేళ్లు జైలు శిక్ష పడే అవకాశం ఉంటుంది. BNS 118(1) కింద ఏడాది నుంచి పదేళ్ల శిక్షపడే అవకాశం ఉంది.

ఇంటికెళ్లి అరెస్ట్ చేసిన పోలీసులు..

అల్లు అర్జున్‌ ఇంటికి వెళ్లిన చిక్కడపల్లి పోలీసులు.. ఆయన్ను అదుపులోకి తీసుకున్నారు. అక్కడి నుంచి చిక్కడపల్లి పోలీస్ స్టేషన్‌కు తరలించారు. సంధ్య థియేటర్ ఘటనపై అల్లు అర్జున్‌ను పోలీసులు విచారించనున్నారు. కాగా, ఇప్పటికే ఈ ఘటనతో తనకు ఎలాంటి సంబంధం లేదని అల్లు అర్జున్ స్పష్టం చేశారు. తాను థియేటర్‌కు వస్తున్నట్లు ముందుగానే థియేటర్ యాజమాన్యానికి, పోలీసులకు సమాచారం అందించినట్లు తెలిపారు. ఈ మేరకు ఒక ప్రకటన కూడా విడుదల చేశారు.

బాధిత కుటుంబానికి అండగా ఉంటానని హామీ..

సంధ్య థియేటర్ ఘటనలో చనిపోయిన బాధిత మహిళ కుటుంబానికి తాము అండగా ఉంటామని అల్లు అర్జున్ ఇంతకుముందే ప్రకటించారు. సినిమా యూనిట్ తరఫున సదరు కుటుంబానికి రూ. 25 లక్షల పరిహారం అందిస్తామని తెలిపారు. అలాగే.. చికిత్స కోసం అయిన ఖర్చునంతా తామే భరిస్తామని ప్రకటించారు.

సంధ్య థియేటర్ ఘటనలో ఐకాన్ స్టార్ అల్లు అర్జున్ చేశారు చిక్కడపల్లి పోలీసులు.

శీతకాల సమావేశాలు మొదలయ్యాక లోక్‌సభ సరిగ్గా జరిగిందే లేదు. ‘మోదీ, అదానీ ఏక్ హై’ అంటూ కాంగ్రెస్, ‘సొరోస్, రాహుల్ ఏక్ హై’, సొరోస్‌తో సోనియా గాంధీకి సంబంధాలు ఉన్నాయంటూ BJP విమర్శించుకుంటున్నాయి. వజ్రోత్సవాల సందర్భంగా నేడు, రేపూ లోక్‌సభలో రాజ్యాంగంపై చర్చ జరగనుంది. దీనికి అన్ని పార్టీల ఎంపీలు హాజరవుతున్నారు. చాన్నాళ్ల తర్వాత సభ నిండుగా కళకళలాడనుంది. అర్థవంతమైన చర్చ జరిగేందుకు ఆస్కారం కనిపిస్తోంది.

రాష్ట్ర ప్రభుత్వం చేపట్టిన స్వర్ణాంధ్ర@2047 విజన్ డాక్యుమెంట్‌ను నేడు CM చంద్రబాబు ఆవిష్కరిస్తారు. విజయవాడలో జరిగే ఈ కార్యక్రమానికి CMతోపాటు మంత్రులు, ఎమ్మెల్యేలు, ఎంపీలు హాజరవుతారు. కాగా 2047 నాటికి నవ్యాంధ్రప్రదేశ్‌ను నిర్మించేందుకు ప్రభుత్వం ఈ కార్యక్రమం చేపట్టింది. రాష్ట్రాన్ని అన్ని రంగాల్లో నంబర్‌వన్‌గా నిలిపి, దేశానికి ఒక రోల్ మోడల్‌గా తీర్చిదిద్దాలని సర్కార్ సంకల్పించింది.

రాష్ట్రంలోని పలు జిల్లాలను వణికిస్తోంది. ఉమ్మడి ఆదిలాబాద్ జిల్లాలో క్రమంగా ఉష్ణోగ్రతలు పడిపోతుండటంతో ప్రజలు తీవ్ర ఇబ్బందులు పడుతున్నారు. గురువారం కనిష్ఠ ఉష్ణోగ్రత 7°C నమోదైంది. సాయంత్రం 6 గంటల నుంచి ఉదయం 9 వరకు చలి ప్రభావం ఉంటుండగా వృద్ధులు జాగ్రత్తలు తీసుకోవాలని వైద్యులు సూచిస్తున్నారు. చలికి తోడు పొగమంచు కారణంగా వాహనదారులు లైట్లు వేసుకొని నెమ్మదిగా వెళ్లాలని పోలీసులు చెబుతున్నారు

రైతు హీర్యానాయక్‌ చేతికి బేడీల ఘటనపై కంది సెంట్రల్‌ జైల్‌లో గురువారం రాత్రి మల్టీజోన్‌-2 ఐజీ సత్యనారాయణ, సంగారెడ్డి ఎస్పీ రూపేశ్‌ కలిసి విచారణ చేపట్టారు. ఐజీ మాట్లాడుతూ హీర్యాకు బేడీలు వేయ డం కరెక్ట్‌ కాదని చె ప్పారు. చికిత్స కోసం వికారాబాద్‌ పోలీసులు తీసుకెళ్లాల్సి ఉం టే, జైలు నుంచి సైబరాబాద్‌ పోలీసుల కు సమాచారం వెళ్లిందని, వారు వచ్చి తీసుకెళ్లారని తెలిపారు. వారికి హీర్యా నా యక్‌ లగచర్ల బాధితుడని తెలియక పోవచ్చని, ఏదో కేసులో ఉన్న ఖైదీ అనుకొని ఉండవచ్చని చెప్పారు. ఘటనకు బాధ్యులపై చర్యలు తీసుకుంటామని చెప్పారు.

హీర్యానాయక్‌ఘటనలో అందరూ ముక్కున వేలేసుకునే అంశాలు వెలుగుచూస్తున్నాయి. లగచర్ల కేసులో నెలరోజులుగా కంది జైలులో రిమాండ్‌ ఖైదీగా ఉన్న హీర్యానాయక్‌ను బాలానగర్‌ కేసులో నిందితుడిగా పేర్కొన్నట్టు తెలుస్తున్నది. లగచర్ల ఘటనలో ఏ-2గా ఉన్న సురేశ్‌ సైతం జైలు నుంచి ఎవరికో ఫోన్‌కాల్స్‌ చేశాడని పోలీసులు అనుమానిస్తూ ఇదే కోణం లో విచారణ చేపడుతున్నారు. హీర్యానాయక్‌ను సంగారెడ్డి దవాఖానకు తరలించేందుకు కంది జైలు సిబ్బంది ఎస్కార్ట్స్‌ కోసం వికారాబాద్‌ జిల్లా పోలీసులకు సమాచారం ఇవ్వాల్సింది పోయి, సైబరాబాద్‌ పోలీసులకు చె ప్పారని, వారు వచ్చి హీర్యాకు బేడీ లు వేసి తీసుకెళ్లారని ఉన్నతాధికారులు చెప్పడం అనుమానాలకు తావిస్తున్నది.

జైలు అధికారులు ఉద్దేశపూర్వకంగా ఇలా చేశారా? లేక పొరపా టు జరిగిందా? అన్నది తేలాల్సి ఉన్న ది. ఎక్కడి పోలీసులు అయినా రిమాం డ్‌ ఖైదీకి బేడీలు వేసుకొని ఎలా తీస్కెళ్తారన్న ప్రశ్నలు ఉత్పన్నమతువున్నా యి. కాగా హీర్యాను తరలించే సమయంలో జైలు సిబ్బంది కూడా ఉన్నా రు. దీన్ని బట్టి చూస్తే హీర్యా బాలానగర్‌ కేసులో నిందితుడని పొరబడే అవకాశాలే లేవు! మరి పొరపాటు జరిగిందని ఎలా చెప్తారన్న సందేహాలు వ్యక్తమవుతున్నాయి.

హీర్యానాయక్‌ లగచర్ల బాధితుడు అని తెలిసే అతడికి బేడీలు వేసి తీసుకెళ్లారని, ఈ వ్యవహారంపై తీవ్ర విమర్శలు రావడం, సీఎం రేవంత్‌ సైతం ఆగ్రహం వ్యక్తం చేయ డం వల్లే చేసిన తప్పును కప్పిపుచ్చుకునేందుకు ఇలా‘పోలీసుల పరిధి’ని మా ర్చి చెప్తున్నారనే ఆరోపణలు వినిపిస్తున్నాయి. జైలులో ఉన్న సురేశ్‌ ఫోన్‌లో మాట్లాడుతూ గుండెనొప్పి వస్తున్నదని లాయర్లు, మీడియాకు చెప్తే గంటల్లోనే బెయిల్‌ వస్తుందని ఎవరికో చెప్పినట్టు భావిస్తున్నారు. జైలులో సురేశ్‌కు ఫోన్‌ మాట్లాడే అవకాశం ఎవరిచ్చారన్న ప్రశ్నలు తలెత్తుతున్నాయి.

కంది జైలర్‌ సస్పెన్షన్‌!: రైతుకు బేడీల ఘటనలో కంది సెంట్రల్‌ జైలు జైలర్‌ సంజీవరెడ్డిపై సస్పెన్షన్‌ వేటు పడినట్టు తెలిసింది. జైలు సూపరింటెండెంట్‌ సంతోష్‌ రాయ్‌పై నా విచారణకు ప్రభుత్వం ఆదేశించిన ట్టు సమాచారం. సీఎం ఆదేశాల మేరకు మల్టీజోన్‌-2 ఐజీ సత్యనారాయణ విచారణ జరిపారు. జైలు సూపరింటెండెంట్‌ సంతోష్‌ రాయ్‌తో పాటు, విధుల్లో ఉన్న జైలర్‌ సంజీవరెడ్డిని, ఇతర సిబ్బందిని విచారించారు.

ప్రభుత్వానికి ప్రాథమిక నివేదిక సమర్పించగా ఈ మేరకు జైలర్‌పై సస్పెన్షన్‌ వేటు వేసింది. జైలు సిబ్బందితోపాటు బేడీలతో దవాఖానకు తీసుకువెళ్లిన పోలీసులపైనా చర్యలు తీసుకునే అవకాశాలు కనిపిస్తున్నాయి. సున్నితమైన అంశం లో సరైన సమాచారం ఇవ్వని జైలర్‌, సూపరింటెండెంట్లపై చర్యలు తీసుకోవాలని హోంశాఖ ప్రత్యేక ప్రధాన కార్యదర్శికి రాసిన లేఖలో జైళ్ల శాఖ డీజీ సూచించడం గమనార్హం.

 తెలంగాణ ప్రభుత్వం మరో కీలక నిర్ణయం తీసుకుంది. రాష్ట్రంలోని 63 లక్షల మంది మహిళా సంఘ సభ్యులకు ఉచితంగా ఈ యూనిఫాం చీరలు ఇచ్చేందుకు సిద్ధమైంది. ఈ యూనిఫాం చీరల కోసం ప్రత్యేకంగా డిజైన్లు రూపొందించగా వీటిని సెర్ప్ సీఈవో దివ్య దేవరాజన్ గురువారం  మంత్రి సీతక్కకు చూయించారు. సీఎం రేవంత్ రెడ్డి సమక్షంలో త్వరలో యూనిఫామ్ చీరల డిజైన్లను ఖరారు చేసి మహిళలకు అందించనున్నారు. అయితే ప్రభుత్వ తీసుకున్న ఈ నిర్ణయంపై మహిళా సంఘాల సభ్యులు సంతోషం వ్యక్తం చేస్తున్నారు.

ఇదిలాఉంటే.. కాంగ్రెస్ ప్రభుత్వం అధికారంలోకి వచ్చాక మహిళా ఆర్థికాభివృద్ధి కోసం ‘మహిళాశక్తి’ పథకాన్ని ప్రారంభించింది. ఈ స్కీమ్ కింద వచ్చే ఐదేళ్లలో మహిళా స్వయం సహాయక సంఘాలకు రూ. లక్ష కోట్ల వడ్డీ లేని రుణాలను అందించనుంది. గ్రామాల్లోని మహిళలను ఆర్థికంగా ప్రోత్సహించి వారిని కోటీశ్వర్లును చేయాలని ప్రభుత్వం నిర్ణయించగా.. ఇందులో భాగంగానే చీరల కోడ్ ప్రవేశ పెట్టినట్లు తెలుస్తోంది.