0

పిఠాపురంలో గెలిస్తే పవన్ కళ్యాణ్ తన పేరును పద్మనాభ రెడ్డిగా మార్చుకోవాలని సూచించిన ముద్రగడ పద్మనాభం.. పేరు మార్చుకున్నారు. పిఠాపురంలో పవన్ గెలవగానే పేరు మార్చుకున్నాడని సోషల్ మీడియాలో ట్రోలింగ్ జరిగింది. కొందరు ఆయన ఫోటోతో నామకరణం కూడా చేశారు.

ఈ ట్రోలింగ్‌పై స్పందించిన ముద్రగడ.. మీడియా ముఖంగా తన పేరును పద్మనాభరెడ్డిగా మార్చుకుంటున్నట్లు ప్రకటించారు. ఆ తర్వాత తన పేరు మార్చుకోవాలని ప్రభుత్వానికి వినతిపత్రం ఇచ్చారు. ఆయన పేరును ముద్రగడ పద్మనాభం నుంచి ముద్రగడ పద్మనాభరెడ్డిగా మార్చినట్లు ఇటీవల ఓ వార్తా పత్రిక ప్రచురించింది.