0

సంగారెడ్డి జిల్లాలో ఇండస్ట్రీయల్ ఏరియాలో భారీ అగ్నిప్రమాదం సంభవించింది. జిన్నారం మండలం గడ్డపోతారం పారిశ్రామిక వాడలోని హెటిరో ల్యాబ్ పరిశ్రమలో అగ్నిప్రమాదం జరిగింది. ఈటీపీ సెక్షన్లో సాల్వెంట్ రికవరీ చేస్తుండగా సోమవారం మధ్యాహ్నం ఒక్కసారిగా మంటలు చెలరేగాయి. సమాచారం అందుకున్న ఫైర్ సిబ్బంది అక్కడికి చేరుకుని మంటల్ని అదుపులోకి తెచ్చేందుకు ప్రయత్నిస్తున్నారు. అయితే హెటిరో ల్యాబ్ పరిశ్రమలో జరిగిన అగ్నిప్రమాదం ఘటనలో భారీగా ఆస్తి నష్టం సంభవించినట్లు ప్రాథమిక సమాచారం. ప్రమాదానికి గల కారణాలు తెలియాల్సి ఉంది.