14/12/2024

మొన్నటివరకు తెలుగు ఫిల్మ్ ఇండస్ట్రీలో మంచు ఫ్యామిలీ వివాదం చర్చనీయాంశంగా మారిన సంగతి తెలిసిందే. అయితే ఈ వివాదాన్ని కవరేజీ చేసేందుకు వెళ్లిన మీడియాపై మోహన్ బాబు దాడి చేశాడు. టీవీ9 మీడియా రిపోర్టర్ రంజిత్ పై దాడి చేయడంతో అతడు తీవ్రంగా గాయపడ్డాడు. దీంతో మోహన్ బాబుపై పోలీసులు హత్యాయత్నం కేసు నమోదు చేశారు. దాడి అనంతరం రెండు రోజులు ఆసుపత్రిలో ఉన్న మోహన్ బాబు ఆ తర్వాత డిశ్చార్జ్ అయి ఇంటికి చేరుకున్నారు. ఆ తర్వాత అజ్ఞాతంలోకి వెళ్లారు. మీడియాపై దాడి కేసులో మోహన్ బాబు దాఖలు చేసిన ముందస్తు బెయిల్ పిటిషన్‌ను కోర్టు కొట్టేసింది. ఈ కేసులో మోహన్ బాబు వాంగూల్మం రికార్డ్ చేయడానికి వెళ్లిన పోలీసులకు ఆయన కనిపించలేదు. దీంతో మోహన్ బాబు కోసం ప్రత్యేక బృందాలతో పోలీసులు గాలిస్తున్నారంటూ సోషల్ మీడియాలో ప్రచారం నడిచింది. తాజాగా తన గురించి వస్తున్న వార్తలపై మోహన్ బాబు సోషల్ మీడియా వేదికగా రియాక్ట్ అయ్యాడు.

సోషల్ మీడియాలో మోహన్ బాబు మిస్సింగ్ అంటూ హంగామా నడుస్తున్న సమయంలో ట్విట్టర్ వేదికగా ఆసక్తికర పోస్ట్ చేశారు . “నేను ఎక్కడికీ వెళ్లిపోలేదు. నాపై తప్పుడు ప్రచారం జరుగుతుంది. ముందస్తు బెయిల్ తిరస్కరించలేదు. ప్రస్తుతం ఇంట్లోనే చికిత్స తీసుకుంటున్నాడు. నా గురించి అసత్యపు వార్తలు రాయకండి అని రిక్వెస్ట్ చేస్తున్నాను” అంటూ ట్వీట్ చేశాడు.

ఇదిలా ఉంటే.. మోహన్‌బాబు తీరును తీవ్రంగా ఖండిస్తున్నారు ప్రజాప్రతినిధులు. అలా సహనం కోల్పోయి మీడియా ప్రతినిధులపై దాడి చేయడం సరికాదంటున్నారు. మోహన్‌బాబు సంయమనం కోల్పోయి ప్రవర్తించడం సరికాదన్నారు. టీవీ9 రిపోర్టర్ రంజిత్‌పై మోహన్ బాబు చేసిన దాడిని..తీవ్రంగా ఖండించారు మంత్రి పొంగులేటి శ్రీనివాసరెడ్డి.ఈ వ్యవహారంలో ప్రభుత్వం చర్యలు తీసుకుంటుందని స్పష్టం చేశారు. మరోవైపు తెలుగు రాష్ట్రాల్లో మోహన్ బాబు తీరుపై నిరసనలు కొనసాగిస్తున్నాయి జర్నలిస్ట్ సంఘాలు. తెలుగు రాష్ట్రాల్లో నాలుగు రోజులుగా ధర్నాలు, ర్యాలీలు నిర్వహిస్తున్నాయి

బీజేపీ అగ్రనేత, మాజీ ఉప ప్రధాని లాల్‌ కృష్ణ అద్వానీ మరోసారి అస్వస్థతకు గురయ్యారు. దీంతో కుటుంబ సభ్యులు ఆయన్ని ఢిల్లీలోని ఇంద్రప్రస్థ అపోలో ఆసుపత్రి లో చేర్పించారు. న్యూరాలజీ విభాగం వైద్యులు ఆయనను పర్యవేక్షిస్తున్నట్లు తెలుస్తోంది. ఆయన ఆరోగ్యం నిలకడగా ఉన్నట్లు సమాచారం. ఆయన అస్వస్థతతో ఆసుపత్రిలో చేరడం ఏడాదిలో ఇది నాలుగోసారి.

ప్రస్తుతం అద్వానీ వయసు 96 ఏళ్లు. ఆయన గత కొంతకాలంగా వయో సంబంధిత అనారోగ్య సమస్యలతో బాధపడుతున్నారు. ఈ క్రమంలో ఈ ఏడాది జూన్‌, జులై, ఆగస్టు నెలల్లో పలుమార్లు అస్వస్థతతో ఆసుపత్రిలో చేరిన విషయం తెలిసిందే. తొలుత జూన్‌ 26న అద్వానీ అస్వస్థతకు గురికావడంతో కుటుంబ సభ్యులు ఆసుపత్రిలో చేర్పించారు. రెండు రోజుల చికిత్స అనంతరం ఆయన డిశ్చార్జ్‌ అయ్యారు. జులై 3న మరోసారి ఆయన అనారోగ్యం బారిన పడ్డారు. రాత్రి 9 గంటల ప్రాంతంలో కుటుంబ సభ్యులు ఆయన్ని ఎయిమ్స్‌కి తరలించారు. చికిత్స అనంతరం డిశ్చార్జ్‌ అయ్యారు. ఆ తర్వాత ఆగస్టు 6వ తేదీన మరోసారి ఆసుపత్రిలో చేరి చికిత్స అనంతరం ఇంటికి చేరారు. ఇప్పుడు మరోసారి అస్వస్థతకు గురయ్యారు.

హైదరాబాద్ చంచల్ గూడ జైలు నుంచి విడుదలైన అల్లు అర్జున్ నేరుగా గీతా ఆర్ట్స్ కార్యాలయానికి చేరుకున్నారు. అక్కడ పలువురు సినీ ప్రముఖులను కలుసుకున్నారు. అనంతరం తన నివాసానికి చేరుకున్నారు. ఆ తర్వాత మీడియాతో మాట్లాడారు అల్లు అర్జున్. ‘నేను బాగానే ఉన్నాను.. ఆందోళన చెందకండి. నేను చట్టాన్ని గౌరవిస్తాను. నిపోయిన మహిళ కుటుంబానికి ప్రగాడ సానుభూతి తెలియజేస్తున్నాను. సినిమా చూసేందుకు వెళ్లినప్పుడు అనుకోకుండా ఆ ఘటన జరిగింది. అలా జరగడం దురదృష్టకరం. ఆ కుటుంబానికి నేనెప్పుడు అండగా ఉంటాను. గత 20 ఏళ్లుగా ఆ థియేటర్‏కు వెళ్లి నా సినిమా చూస్తుంటాను. నా సినిమాలే కాదు మావయ్య సినిమాలు చూశాను. బాధిత కుటుంబానికి జరిగిన నష్టం పూడ్చలేనిది. అభిమానం, ప్రేమతో నాకు మద్దతు తెలిపిన ప్రతి ఒక్కరికి ధన్యవాదాలు’ అని అన్నారు అల్లు అర్జున్.

శనివారం ఉదయం చంచల్ గూడా జైలు నుంచి విడుదలైన వెంటనే గీతా ఆర్ట్స్ కార్యాలయానికి చేరుకున్నారు అల్లు అర్జున్. అక్కడ న్యాయవాదుల బృందం ఆయనతో చర్చలు జరిపింది. దాదాపు 45 నిమిషాలపాటు న్యాయవాది నిరంజన్ రెడ్డితో బన్నీ చర్చించారు. అలాగే తనను కలవడానికి వచ్చిన సినీ ప్రముఖులతో మాట్లాడారు. ఆ తర్వాత గీతా ఆర్ట్స్ నుంచి తన ఇంటికి చేరుకున్నారు బన్నీ.

మరోవైపు బన్నీ విడుదల ఆలస్యంపై అల్లు అర్జున్ తరపు న్యాయవాదులు కీలకవ్యాఖ్యలు చేశారు. హైకోర్టు బన్నీని వెంటనే విడుదల చేయాలని ఆదేశించిందని.. అయినా సరే ఉద్దేశపూర్వకంగానే జైలులో ఉంచారని అన్నారు. ఈ విషయమై చట్టపరంగా ముందుకు వెళ్తామని.. మరోసారి హైకోర్టును ఆశ్రయిస్తామని అన్నారు. బెయిల్ వచ్చినా విడుదల ఆలస్యం చేయడంపై పోలీసులపై కోర్టు ధిక్కరణ కేసు వేస్తామని బన్నీ తరపు లాయర్ అన్నారు.

చంచల్ గూడా జైలు నుంచి విడుదలైన బన్నీ మీడియాతో మాట్లాడుతూ ఎమోషనల్ అయ్యాడు. ‘జరిగిన సంఘటన దురదృష్టకరం. ఇది అనుకోకుండా జరిగింది. నేను చట్టాన్ని గౌరవిస్తాను. రేవతి కుటుంబానికి నా సానూభూతి. నాకు అండగా నిలిచిన వారందరికీ ధన్యవాదాలు’ అంటూ చెప్పుకొచ్చారు. అల్లు అర్జున్ చంచల్ గూడా జైలు నుంచి విడుదలై ఇంటికి చేరుకోగానే.. బన్నీని చూసి భార్య స్నేహారెడ్డి, పిల్లలు భావోద్వేగానికి గురయ్యారు. స్నేహారెడ్డి భర్తను పట్టుకొని కన్నీళ్లు పెట్టుకుంది. 

చేయని తప్పుకు జైలుకు వెళ్లానంటూ..

ఇక జైలు నుంచి విడుదలై నేరుగా గీతా ఆర్ట్స్ కార్యాలయానికి వెళ్లాడు అల్లు అర్జున్. అయితే ఇంటికి డైరెక్ట్‌గా వెళ్లకుండా కార్యాలయానికి వెళ్లడంపై చర్చ మొదలైంది. గీతా ఆర్ట్స్ కార్యాలయంలోనే అల్లు అరవింద్, బన్నీ వాసు, సన్నిహితులుండగా.. నిన్న బెయిల్ వచ్చినా ఇవాళ రిలీజ్ అవ్వడంపై వారితో బన్నీ అసంతృప్తి వ్యక్తం చేసినట్లు తెలుస్తోంది. చేయని తప్పుకు జైలుకు వెళ్లానంటూ సన్నిహితుల వద్ద బన్నీ ఎమోషనల్ అయ్యారని, రాత్రి అంతా జైలులో నిద్రపోకుండానే ఉన్నట్లు తెలుస్తోంది. అతేకాదు ఈ కేసులో ఇకపై ఎలాంటి స్టెప్స్ తీసుకోవాలనేదానిపై చర్చ నడుస్తున్నట్లు సమాచారం. 

జైలు అధికారులపై కోర్టు ధిక్కరణ కేసు వేయాలని ప్లాన్ చేస్తున్నట్లు తెలుస్తోంది. ఈ కేసులో ఎంత దూరమైనా వెళ్లాలని లీగల్ టీమ్ కు చెప్పినట్లు సమాచారం. తండ్రి అల్లు అరవింద్‌కు కూడా ఇదే నిర్ణయం చెప్పిన బన్నీ.. ఇప్పటికే జైలుకు వెళ్లి వచ్చాను.. మళ్లీ వెళ్తా అంటూ బన్నీ ఎమోషనల్ అయ్యారట. ఇప్పటికే తన సన్నిహితులతో అల్లు అర్జున్ మంతనాలు జరిపారని,  జైలుకు వెళ్లడాన్ని సవాల్‌గా తీసుకున్నట్లు తెలుస్తోంది.