బ్రేకులు ఫెయిల్ అయి ఆర్టీసీ బస్సు చెట్టును ఢీకొన్న సంఘటన కామారెడ్డి జిల్లా ఎల్లారెడ్డి మండలం హాజీపూర్ తండా మూలమలుపు వద్ద చోటుచేసుకుంది.ఈ సంఘటనకు సంబంధించిన వివరాలు ఈ విధంగా ఉన్నాయి.స్థానికులు,ప్యాసింజర్ల కథనం ప్రకారం ఎల్లారెడ్డి నుంచి నిజాంసాగర్ వైపు వెళ్తున్న కామారెడ్డి డిపోకు చెందిన ఆర్టీసీ బస్సు ఒక్కసారిగా హాజీపూర్ తండా మూలమలుపు వద్ద బస్సు బ్రేకులు ఫెయిల్ అయి చెట్టును ఢీకొంది.దీంతో బస్సులో ప్రయాణిస్తున్న మహిళ కండక్టర్ తో పాటు..సుమారు పదిమందికి గాయాలయ్యాయి.ప్రమాదం సంభవించినప్పుడు బస్సులో సుమారు 40 మంది ప్రయాణికులు ఉన్నట్లుగా స్థానికులు తెలిపారు.గాయపడ్డ వారిని చికిత్స నిమిత్తం ఎల్లారెడ్డి ప్రభుత్వ హాస్పిటల్ కు తరలించారు.స్థానిక ఎల్లారెడ్డి ఎమ్మెల్యే మదన్ మోహన్ రావు సంఘటన స్థలానికి చేరుకొని బస్సు ప్రమాదంకు గల కారణాలను ఆర్టీసీ అధికారులతో ఫోన్లో మాట్లాడి అడిగి తెలుసుకున్నారు.గాయపడ్డ వారిని అంబులెన్స్ లో ఎమ్మెల్యే ఎల్లారెడ్డి ప్రభుత్వ హాస్పిటల్ కు తరలించారు.బస్సు ప్రమాదంకు గల కారణాలను ప్యాసింజర్లను, స్థానికులను ఎమ్మెల్యే అడిగి తెలుసుకున్నారు.గాయపడ్డ వారికి మెరుగైన చికిత్స అందించాలని డాక్టర్లకు ఎమ్మెల్యే మదన్ మోహన్ రావు సూచించారు.
