08/07/2024

స్మార్ట్ ఫోన్లలో యాప్ లను ఉపయోగించి మనం అనేక లావాదేవీలు నిర్వహిస్తాం. పనులు సులువుగా, సౌకర్యంగా పూర్తి కావడానికి అవి ఎంతో ఉపయోగపడతాయి. చదువు, ఉద్యోగం, వ్యాపారం, బ్యాంకులు, రుణాలు ఇచ్చే సంస్థలు ఇలా.. మన అవసరాలకు ఉపయోగపడే అనేక యాప్ లను డౌన్ లోడ్ చేసుకుంటాం. అయితే అన్ని యాప్ లూ సురక్షితం కాదు. కొన్నింటి వల్ల అనేక నష్టాలు కలుగుతాయి.
ఇటీవల ఆన్ లైన్ లో రుణాలు ఇచ్చే సంస్థలు పెరిగిపోయాయి. వాటికి సంబంధించిన వివిధ యాప్ లు మనకు దర్శనమిస్తున్నాయి. చాలామంది రుణాల కోసం వాటిని డౌన్ లోడ్ చేసుకొంటున్నారు. అయితే సైబర్ దోస్త్ అనే సెక్యూరిటీ సంస్థ ఓ హెచ్చరిక జారీ చేసింది. క్యాష్ ఎక్స్ పాండ్-యు ఫైనాన్స్ అసిస్టెంట్ (cash expand-u finance assistant) అనే యాప్ కు విదేశాలలోని శత్రువులతో సంబంధం ఉన్నట్టు గుర్తించింది. దేశంలోని వినియోగదారులు ఆ యాప్ ను వెంటనే తొలగించాలని ఆదేశించింది. అలాగే అన్ ఇన్ స్టాల్ చేసిన తర్వాత దానితో అనుబంధించబడిన మొత్తం డేటాను పరికరాల నుండి తొలగించాలని సూచించింది. ఈ ప్రమాదకర యాప్ ను ఇప్పటికే గూగుల్ ప్లే స్టోర్ నుంచి కూడా తొలగించారు.

సైబర్ దోస్త్ హెచ్చరిక..
ప్రభుత్వం సైబర్ క్రైం విభాగమైన సైబర్ దోస్త్ ఈ ప్రమాదకర యాప్ ను గుర్తించింది. దీనిపై ఎక్స్ లో పోస్ట్ కూడా చేసింది. దాని ద్వారా స్మార్ట్ ఫోన్ యూజర్లకు హెచ్చరిక జారీ చేసింది. ప్రమాదకర యాప్ ను వెంటనే ఫోన్ల నుంచి తొలగించుకోవాలని కోరింది. విదేశాలలోని మన శత్రువులతో యాప్ కు సంబంధాలు ఉన్నట్టు వెల్లడించింది.
లక్షమందికి పైగా డౌన్ లోడ్..
అయితే ఇప్పటికే ఈ యాప్ ను దేశంలో ఒక లక్ష మందికి పైగా డౌన్‌లోడ్‌ చేసుకున్నారు. దీనిని 4.4 రేటింగ్, 7.19 K సమీక్షలు ఉండడం గమనార్హం. ఈ ప్రమాదకర యాప్ ద్వారా రుణాలు మంజూరు చేస్తామని ప్రజలను నమ్మిస్తారు. దానికి కోసం మన వ్యక్తిగత, గుర్తింపు వివరాలను అడుగుతారు. అవి విదేశాలలోని శత్రువులకు చేతికి చిక్కితే లేనిపోని అనర్థాలు జరుగుతాయి. సైబర్ దోస్త్ సెక్యూరిటీ సంస్థ ఈ విషయాలపై పూర్తిస్థాయిలో చెప్పలేదు. కానీ యూజర్లు వెంటనే యాప్ ను తొలగించుకోవాలని ఆదేశించింది.

డ్రగ్స్ తీసుకున్న 12 మందిని పోలీసులు అదుపులోకి తీసుకున్న సంఘటన మేడ్చల్ పోలీస్ స్టేషన్ పరిధిలో చోటు చేసుకుంది. వివరాల్లోకి వెళితే మేడ్చల్ పట్టణానికి చెందిన కొందరు వ్యాపారస్తులు జన్మదిన సంధర్బంగా రాజస్థాన్ నుండి డ్రగ్స్ ను కొనుగోలు చేసి సేవిస్తున్నారని పక్కా సమాచారంతో దాడులు నిర్వహించారు. ఈ దాడుల్లో 12 మందిని పోలీసులు అదుపులోకి తీసుకొని కేసులు నమోదు చేశారు. డ్రగ్స్ కొనడం సేవించడం నేరమని ఇలాంటి అలవాట్లకు పాల్పడితే వారిపై కఠిన చర్యలు ఉంటాయని పోలీసులు హెచ్చరించారు

అవిటివాడు’, ‘స్పాస్టిక్’ వంటి పదాలు వారిని సామాజిక వివక్షకు గురయ్యేలా చేస్తాయని సుప్రీంకోర్టు ప్రధాన న్యాయమూర్తి జస్టిస్ డీవై చంద్రచూడ్ నేతృత్వంలోని ధర్మాసనం పేర్కొంది. ఈ నేప‌థ్యంలో సినిమాలు, దృశ్య మాధ్యమాల్లో దివ్యాంగులను కించపరిచేలా సన్నివేశాలను చిత్రీకరించడాన్ని వ్యతిరేకిస్తూ దేశ అత్యున్న‌త న్యాయ‌స్థానం సోమవారం కీలక మార్గదర్శకాలను విడుదల చేసింది. 

సినిమా స్క్రీనింగ్‌కు అనుమతించే ముందు సర్టిఫికేట్ ఇచ్చే సీబీఎఫ్‌సీ నిపుణుల అభిప్రాయాన్ని తప్పనిసరిగా తీసుకోవాలని సూచించింది. దివ్యాంగులపై వాస్తవాలను చిత్రీకరించడానికి దృశ్య మీడియా కృషి చేయాలని తెలిపింది. అలాగే దివ్యాంగుల సవాళ్లను మాత్రమే కాకుండా వారి విజయాలు, ప్రతిభ, సమాజానికి చేసిన సేవను చూపించాలని న్యాయ‌స్థానం పేర్కొంది. 

ఇటీవ‌ల వ‌చ్చిన‌ బాలీవుడ్ చిత్రం ‘ఆంఖ్‌ మిచోలీ’లో దివ్యాంగులను కించపరిచేలా సన్నివేశాలు ఉన్నాయని నిపున్ మల్హోత్రా అనే వ్యక్తి దాఖలు చేసిన పిటిషన్‌ను విచారించిన‌ న్యాయ‌స్థానం ఈ మేరకు తీర్పును వెల్ల‌డించింది.

వైఎస్ఆర్ 75వ జయంతి సందర్భంగా కాంగ్రెస్ అగ్రనేత, ఎంపీ రాహుల్ గాంధీ స్పందించారు. కొన్ని ఆసక్తికరమైన విషయాలు తెలిపారు. వైఎస్ఆర్ అసలైన ప్రజా నాయకుడు అని కొనియాడారు. ఎల్లప్పుడూ ప్రజల కోసమే బ్రతికిన నాయకుడు వైఎస్ రాజశేఖర్ రెడ్డి అని కీర్తించారు. ఆయన మరణం అత్యంత విషాదం అని ఆవేదన వ్యక్తం చేశారు. వైఎస్ఆర్ బ్రతికి ఉంటే ఏపి ముఖచిత్రం వేరేలా ఉండేదని.. ఈ రోజు ఆంధ్రప్రదేశ్‎కి ఈ పరిస్థితి ఉండేది కాదన్నారు. కష్టాలు, కన్నీళ్లు ఉండేవి కావని తెలిపారు. ఆయన వారసత్వాన్ని షర్మిల సమర్ధవంతంగా ముందుకు తీసుకెళ్తారని ఆశాభావాన్ని వ్యక్తం చేశారు. ఆ నమ్మకం తనకు ఉందని ధీమాను వ్యక్తం చేశారు రాహుల్ గాంధీ. వైఎస్ షర్మిల న్యాయకత్వంలో ఏపీలో కాంగ్రెస్ పార్టీ బలోపేతం అవుతుందని తెలిపారు. వైఎస్ఆర్‎లో ఉన్న ధైర్యం, సిద్ధాంతాలు, న్యాయకత్వ లక్షణాలు షర్మిలలో తాను చూశానని ఈ సందర్భంగా తెలిపారు. తాను వ్యక్తిగతంగా వైఎస్ రాజశేఖర్ రెడ్డి నుంచి ఎంతో నేర్చుకున్నానన్నారు. ఆయన పాదయాత్రే తన భారత్ జోడో యాత్రకు స్ఫూర్తి అని తెలిపారు. నాడు వైఎస్ రాజశేఖర్ రెడ్డి ఎండను, వర్షాన్ని లెక్క చేయకుండా ప్రజల కోసం, వారి కష్టాలు తెలుసుకునేందుకు పాదయాత్ర చేశారని చెప్పారు. అందుకే తనకు ఆయన స్ఫూర్తిగా నిలిచారని పేర్కొన్నారు. జూలై 8న 75 వ జయంతి సందర్భంగా వైఎస్ఆర్‎కు ఘన నివాళులు అర్పిస్తున్నట్లు తెలిపారు.

ఈ సందర్భంగా ఆంధ్రప్రదేశ్ లో పార్టీ విస్తరించేందుకు, పూర్వ వైభవాన్ని తీసుకొచ్చేందుకు వైఎస్ షర్మిల అనేక కార్యక్రమాలకు శ్రీకారం చుట్టారు. జూలై 8 ఆయన జయంతిని పురస్కరించుకుని కర్ణాటక, తెలంగాణ రాష్ట్రాల ముఖ్యమంత్రులు, ఉపముఖ్యమంత్రులు మంగళగిరిలో ఏర్పాటు చేసిన ప్రత్యేక కార్యక్రమానికి హాజరుకానున్నారు. అలాగే మరి కొందరు కాంగ్రెస్ పార్టీ పెద్దలు కూడా ఈ సమావేశంలో పాల్గొననున్నారు. ఈ జయంతి నుంచే కార్యకర్తల్లో ధైర్యాన్ని నింపుతూ కాంగ్రెస్ గెలుపుకు అనుసరించాల్సిన విధివిధానాలను దిశానిర్ధేశం చేయనున్నారు. కార్యకర్తల్లో సరికొత్త జోష్‎తో పార్టీ కార్యక్రమాలు చేపట్టేందుకు అడుగులు వేయనున్నట్లు తెలుస్తోంది.